Kayane jarang pisan mbaca blog sing nganggo bahasa daerah, mbuh
sunda, jawa, batak atawa sejene. Tulisan kien bae mimiti ngetik nganggo
bahasa Dermayu rada angel. Rata-rata paling gampang ngeblog nganggo
bahasa Indonesia, ya karena memang supaya bisa dingerteni ning wong
sejene.
Tapi, pernah nyoba beli nulis ning blog pribadi nganggo bahasa
dermayu ? Coba bae sampeyan cek ning bloge wong dermayu, akehe tulisane
bahasa Indonesia kabeh, ana sebagian sing nganggo bahasa dermayu tapi
ning menue bae.
Ngeblog memang perlu keluwihan ning hal tulis-menulis atawa
karang-mengarang. Umume wong dermayu lan masyarakat sejene ning
Indonesia, belajar mengarang ning sekolah diajari nganggo bahasa
Indonesia, dadi pas kon ngarang nganggo bahasa dermayu, kayane angel.
Malah lamon kon gawe karangan nganggo dermayuan, mendingan kon push-up.
Nah, supaya bahasa dermayon ora ilang sing peredaran, kayane kien kudu digiataken ‘ngeblog dermayon‘ alias posting nganggo bahasa dermayon.
Sing pasti, lamon mbaca tulisan kien akeh sing cengar-cengir, karena
rsane aneh mbaca tulisan ning blog sing nganggo bahasa reang. (ngetike
bae keder, apamaning mbacae). Tapi ya di coba bae, lumayan kanggo
ngilangaken kangen karo dermayu lamon kita adoh sing dermayu.
Isin ? wah lamon alesan kien mah ‘terlaluuu…‘, lamon udaan
mah ora papa ngrasa isin, masa nulis isin. Jaman sekien kita ora perlu
isin ngaku wong dermayu. Kanggo seteruse, bakal luwih diakehaken maning
tulisan-tulisan sing nganggo bahasa reang.
Oleh : Muhamad Sukron
Tidak ada komentar:
Posting Komentar